नारायण हृषीकेश ज्ञानज्ञेय निरंजन
( इत्यर्घमंत्रः) देव्यास्त्वर्घ्यं प्रदातव्यं भक्तियुक्ते न चेतसा।।4.147.
जानुभ्यामवनिं गत्वा मंत्रमेतमुदीरयेत्
पार्वत्या पूजिता लक्ष्मीः स्कंदवैश्रवणेन च
सौभाग्यं देहि मे पुत्रान्धनं पौत्रांश्च पूजितान्
य एवं पुरतो दत्त्वा पूर्वोक्तविधिना तव
गीतनृत्यविनोदेन उपाख्यानैश्च वैष्णवैः
उन्निद्रो जागृयाद्यस्तु शतयज्ञफलं लभेत्
ब्राह्मणांश्च सपत्नीकान्परिधाप्यानुभोजयेत्
दीनांधबधिरान्पंगून्सर्वांस्तान्परितोषयेत्
मधुरं पयसा युक्तं सुहृद्भिर्बांधवैः सह
शुक्लायामथ कृष्णायां तृतीयायां तथा तिथौ 4.147.
यदा वा जायते वित्तं चित्तं च वरवर्णिनि
एवं कृते च यत्पुण्यं तन्न शक्यं निवेदितुम्
कल्पकोटिसहस्राणि कल्पकोटिशतानि च
ब्रह्मकाद्रुद्रलोकं तत्परं विष्णुसंनिधौ
ततो भुक्त्वा शुचिः श्रीमान्भोगांस्त्रैलोक्यसुंदरि
य इदं शृणुयान्नित्यं वाचयमानं समंततः
त्वया कांचनपुर्याख्यं व्रतमेतत्कृतं पुरा
इति श्रीभविष्ये महापुराण उत्तरपर्वणि श्रीलक्ष्मीविष्णुसंवादे कांचनपुरीव्रतवर्णनं नाम सप्तचत्वारिंशदुत्तर शततमोऽध्यायः
कन्याप्रदानवर्णनम् ( अथ कन्यादानम्) सप्तपूर्वान्भविष्यांश्च स्वकुले सप्त मानवान्
तेन कन्याप्रदानेन स तारयत्यसंशयम्
प्राजापत्येन विधिना आत्मानं च समुद्धरेत्
भूगवाश्वप्रदानानि गजदानं तथैव च
बहुवर्षसहस्राणि पुरीषं काकमश्नुते
बहून्यब्दसहस्राणि तथा अशुचिभुङ्नरः
दत्त्वा चाधिकवर्णाय द्विगुणं निर्गुणं तथा
चूडोपनयाद्यैश्च सोऽश्वमेधफलं लभेत्
कन्यया सह दत्तं च सुवर्णं वह्निमूलकम्
कन्यादानादवाप्नोति दक्षलोकं नरोत्तम 4.148.