श्रौतसंस्कार दीनत्वमार्तत्राणविवर्जनम् 4.146.
गुरुदाराभिगामित्वं संयोगश्चापि तैः सह
अन्येऽपि विविधाः संति प्रोक्ताः प्राधान्यतस्त्वमी
तथाप्येते न शक्यंते वक्तुं यस्मादनंतकाः
नश्यंति तत्क्षणान्नूनं सत्येशस्यानुपूजनात्
ध्वजे सत्ये स्थितश्चायं लक्ष्म्या सह जगत्पतिः
कपिलः पश्चिमास्ये तु वाराहश्चोत्तरे स्थितः
तं सत्येशं स्थितं राजन्पूजयेच्च सदैव हि
पद्मकौमोदकीशंखचक्रायुधविधारणम्
पादाधस्ताद्विनिष्क्रांता गंगा पूता सदा नृभिः
जया च विजया चैव जयंती पापनाशिनी 4.146.
एताभिः शक्तिभिर्युक्तं लोकदिक्पालवर्जितम्
सर्वाभरणशोभाढ्यं भुक्तिमुक्तिप्रदं हरिम्
मार्गशीर्षादिमासेषु द्वादशस्वपि सर्वदा
कृतोपवासः शुद्धात्मा कुर्याद्व्रतमतंद्रितः
एवं तु नियमं कृत्वा दंतधावनपूर्वकम्
स्नात्वा तु नैत्यकं कर्म कृत्वा नैमित्तिकं ततः
सौवर्णं कारयेद्देवं पूर्वोक्तं सत्यरूपिणम्
सुवर्णपलमानेन कार्यमेतत्सविस्तरम्
तत्कर्णिकागतं देवं शक्तिवृन्दसमन्वितम्
शुद्धशुक्लांबरधरो मंत्रसंभारसंस्थितः तत्र त्वं सत्यया सार्द्धं सत्येश भव सन्निधौ ।। 4.146.
ॐ क्षीरसागरकल्लोले स्नाहि पापनिषूदन
हरस्व सर्वं दुरितं मम नाथ जनार्दन
यज्ञे योगे तथा सांख्ये पवित्रस्त्वं सदोच्यसे
विलिप्तं कर्मणा सर्वं सत्यं सत्यं न केनचित्
सत्यनाथ नमस्तुभ्यं मूर्तामूर्तस्वरूपिणे
वाराहाच्युत यज्ञेश लक्ष्मीकांत नृपेश्वर
संकर्षण महावीर्य सर्वेशामितविक्रम
(इति पूजामंत्रः) कृष्णकृष्ण प्रभो रामराम कृष्ण विभो हरे
पूजा चेयं मया दत्ता पितामहजगद्गुरो