एवं प्रकल्पये द्यज्ञं कोटिहोमाख्यमुत्तमम्
होतव्याः कोटिहोमे तु समिधश्च पलाशजाः पञ्चमे तन्मुखे राजन्सर्वकामार्थसिद्धये
पूर्णाहुत्यः समाख्याताः कोटिहोमे नराधिप
प्रारंभदिनमारभ्य ब्राह्मणैर्ब्रह्मवादिभिः
क्रोधलोभादयो दोषा वर्जनीयाः प्रयत्नतः 4.142.
कालेन महता चैव शक्यः प्राप्तुं कथंचन
नियमाद्ब्रह्मचर्याद्वा दुष्करो हीति मे मतिः
कार्याद्गुरुतया यस्मात्पर्वकालाद्यपेक्षया कोटिहोमस्य संक्षेपं वद मे ब्रह्म संभव
चतुर्विधो महाराज कोटिहोमो विधीयते
कार्यस्य गुरुतां ज्ञात्वा नैव कुर्यादपर्वणि
कृत्वा कुंडशतं दिव्यं यथोक्तं हस्त संमितम्
सद्यः पक्षे तु विप्राणां सहस्रं परिकीर्तितम्
होमं कुर्युर्द्विजाः सर्वे कुण्डे कुण्डे यथोदितम्
न च वह्निबहुत्वं स्यात्तत्र यज्ञे विधीयते
एक एव भवेद्यज्ञः कोटिहोमो न संशयः शताननः स विज्ञेयः कोटिहोमो न संशयः ।। 4.142.
स्वल्पैरहोभिः कार्यः स्याद्वर्षाकालादिकेऽपि वा
विप्राणां द्वे शते तत्र सुविभज्य नियोजयेत्
भूप कुंडद्वयं कृत्वा विभज्य च विभावसुम्
शतं तत्र नियोज्यं स्याद्विप्राणां प्रविभज्य वै
एवं च द्विमुखं कार्यः कोटिहोमो विचक्षणैः
यदा तु स्वेच्छया यज्ञं यजमानः समापयेत्
एककुंडस्थितो वह्निरेकचित्तैः समाहितैः
न संख्यानियमश्चात्र ब्राह्मणानां नरोत्तम
आवृत्त्या सर्वकामस्य चातुर्मास्यानुकर्मवत्
अयमेकमुखो राजन्कालेन बहुना भवेत् 4.142.
यतो हि चित्तवित्ताद्यमायुश्चैवास्थिरं सदा
ततः समाप्ते यज्ञे तु कारयेत्सुमहोत्सवम्
ततस्तु दीक्षयेद्विन्प्रान्होतॄंश्च श्रद्धयान्वितः
गोशतं चैव दातव्यमश्वानां च शतं तदा
ग्रामैर्गजै रथैरश्वैः पूजयेच्च पुरोहितम्