हिताय पृथिवीशानां जगतश्चात्मनस्तथा
निर्घाते पांशुवर्षे च गृहभंगे तथैव च
जन्मनक्षत्रपीडासु अनावृष्टिभयेषु च
व्याधीनां संभवे जाते शरीरे चातिपीडिते
स्वर्गस्य साधनं यच्च कीर्तिदं धनदं तथा 4.142.
कोटिहोमाख्यमतुलं सर्वकामफलप्रदम्
ब्रह्महत्यादिपापानि येन नश्यंति तत्क्षणात्
विधानं तस्य वक्ष्यामि शृणुष्वैकमना भव
पर्वते वापि कुर्वीत य इच्छेत्क्षेममात्मनः
यजमानस्यानुकूल्ये कोटिहोमं समाचरेत्
वस्त्रैर्विभूषणैश्चैव गंधमाल्यानुलेपनैः
त्वं नो गतिः पिता माता त्वं गतिस्त्वं परायणः
आपद्विमोक्षाय च मे कुरु यज्ञमनुत्तमम्
पुरोहितस्ततः प्राज्ञः शुक्लांबरधरः शुचिः
भूमिभागे समे शुद्धे प्रागुदक्प्रवणे तथा 4.142.
ततस्तु महितैर्विप्रः सूत्रयेन्मण्डपं शुभम् जघन्यं तु तदर्धेन शक्तिकालाद्यपेक्षया
मध्ये तु मण्डपस्यापि कुंडं कुर्याद्विचक्षणः
मेखलात्रितयं तस्य द्वादशांगुलविस्ततम्
कुंडस्य पूर्वभागे तु वेदिं कुर्याद्विचक्षणः
स्थानं तत्सर्वभूतानां कुर्याद्यत्नेन बुद्धिमान्
उदलिप्य ततो भूमिं मंडपस्य समीपतः
अश्वत्थप्लक्षचूताद्यैः पल्लवैरुपशोभितान्
स्थापयेद्दिक्षु सर्वासु तोरणानि विचक्षणः
पुण्याहजयघोषेण होमकर्म समारभेत्
ब्राह्मणं पूर्वभागे तु मध्ये देवं जनार्दनम् 4.142.
ऐशान्यां च ग्रहान्सर्वानाग्नेय्यां मरुतस्तथा
एवं संस्थाप्य विबुधान्यथास्थानं नृपोत्तम
वेदोक्तमंत्रैस्तल्लिङ्गैः पुराणोक्तैः पृथक्पृथक् आदित्या वसवो रुद्रा लोकपालास्तथा ग्रहाः
ब्रह्मा जनार्दनश्चैव शूलपाणिर्भगाक्षिहा
पूजां गृह्णंतु सर्वेत्र मया भक्त्योपपादिताम्