सदैवाऽयुतहोमोऽयं नवग्रहमखः स्मृतः
विवाहोत्सवयज्ञेषु प्रतिष्ठादिषु कर्मसु
कथितोऽयुतहोमोऽयं लक्षहोममतः शृणु
पितॄणां वल्लभो यस्माद्भुक्तिमुक्तिफलप्रदः
गृहस्योत्तरपूर्वेण मण्डपं कारयेद्बुधः
दशहस्तमथाष्टौ वा हस्तान्कुर्याद्विधानतः 4.141.
प्रागुत्तरं समासाद्य प्रदेशं मंडपस्य तु
मानहीनं चाप्रशस्तमनेकभयदं भवेत्
अस्माद्दशगुणः प्रोक्तो लक्षहोमे स्वयंभुवा
द्विहस्तविस्तृतं तद्वच्चतुर्हस्तायतं पुनः
संस्थापनाय देवानां वप्रत्रयसमावृतम्
अंगुलोच्छ्रयसंयुक्तं वप्रद्वयमथोपरि
दशांगुलोच्छ्रिता भित्तिः स्थंडिलस्य तथोपरि
आदित्याभिमुखाः सर्वाः स्थाप्याः प्रत्यधिदेवताः
गरुत्मानधिकस्तत्र संपूज्यः श्रियमिच्छता
विषपापहरो नित्यमतः शांतिं प्रयच्छ मे 4.141.१
सहस्राणां शतं हुत्वा समित्संख्यादिकं पुनः
पाठयेत्सूक्तमाग्नेयं वैष्णवं रौद्रमैंदवम्
स्नानं तु यजमानस्य पूर्ववन्मन्त्रवाचनम्
कामक्रोधविहीनेन ऋत्विग्भ्यः शांतचेतसः
अथ वा ऋत्विजौ शांतौ द्वावेव त्वतिकोविदौ
नवग्रहमखे सर्वं लक्षहोमे दशोत्तरम्
न कुर्याद्दक्षिणाहीनं वित्तशाठ्येन मानवः 4.141.
अन्नदानं यथा शक्त्या दातव्यं भूतिमिच्छता
राष्ट्रं हन्यादंगहीनो मंत्रहीनस्तु ऋत्विजः
न चाप्यल्पधनः कुर्याल्लक्षहोमं नरः क्वचित्
तमेव पूजयेद्भक्त्या द्वौ वा त्रीन्वा यथाविधि
दक्षिणाभिः प्रयत्नेन बहू्न्वा बहुवित्तवान्
यतः सर्वानवाप्नोति कुर्वन्कामान्विधानतः
यावत्कल्पशतान्यष्टावथ मोक्षमवाप्नुयात्