विष्णुना वसुधा लब्धा प्रीतेन बलये पुनः
ततः प्रभृति राजेन्द्र प्रवृत्ता कौमुदी पुनः 4.140.
लोकशोकहरी काम्या धनपुष्टिसुखावहा
धातुज्ञैर्नैगमज्ञैश्च तेनैषा कौमुदी स्मृता
हृष्टास्तुष्टाः सुखायत्तास्तेनैषा कौमुदी स्मृता
अर्थार्थे पार्थ भूमौ च तेनैषा कौमुदी स्मृता
दत्तं दानवराजस्य आदर्शमिव भूतले
कुत ईति भयं तत्र नास्ति मृत्युकृतं भयम्
नीरुजश्च जनाः सर्वे सर्वोपद्रववर्जिताः
यो यादृशेन भावेन तिष्ठत्यस्यां युधिष्ठिर
रुदिते रोदिति वर्षं हृष्टो वर्षं प्रहृष्यति
तस्मात्प्रहृष्टैस्तुष्टैश्च कर्तव्या कौमुदी नरैः 4.140.
उपशमितमेघनादं प्रज्वलितदशाननं रमितरामम्
कूष्माण्डादानरम्यं कुवलयखण्डैश्च धातुकाभद्रम्
दीपोत्सवे जनितसर्वजनप्रमोदां कुर्वंति ये सुमनसो बलिराजपूजाम्
इति श्रीभविष्ये महापुराण उत्तरप र्वणि श्रीकृष्णयुधिष्ठिरसंवादे दीपालिकोत्सववर्णनं नाम चत्वारिंशदुत्तरशततमोऽध्यायः
नवग्रहलक्षहोमविधिवर्णनम् सर्वकामाप्तये कृत्यं कथं शांतिकपौष्टिकम्
दृष्ट्यायुः पुष्टिकामो वा तथैवाभिचरन्पुनः
सर्वशास्त्राण्यनुक्रम्य संक्षिप्य ग्रन्थविस्तरम्
पुण्येऽह्नि विप्रकथिते कृत्वा ब्राह्मणवाचनम्
ग्रहयज्ञस्त्रिधा प्रोक्तः पुराणश्रुतिकोविदैः
तृतीयः कोटिहोमस्तु सर्वकामफलप्रदः
तस्य तावद्विधिं वक्ष्ये पुराणश्रुतिभाषितम्
कुर्याद्विधानतो वेदिं वितस्त्युच्छ्रयसंयुताम्
अग्निप्रणयनं कृत्वा तस्यामावाहयेत्सुरान्
सूर्यः सोमो महीपुत्रो बुधो जीवः सितोर्कजः 4.141.
ताम्रकात्स्फटिकाद्रक्तचन्दनात्स्वर्णजावुभौ
मध्ये तु भास्करं विद्याल्लोहितं दक्षिणेन तु
पूर्वेण भार्गवं विद्यात्सोमं दक्षिणपूर्वके
राजामात्यान्महाराज तंडुलैः स्थापयेदथ