शतं चापि शतार्धं वा तदर्द्धं वा यथेच्छया
कापालिकेभ्यस्तद्देयं दासीदासजनैस्तथा
ततोपराह्णसमये नवम्यां स्यंदने स्थिताम्
सहस्रैः पुरुषैर्वापि रथयुक्तैः सुशिक्षितैः 4.138.
आकृष्टखड्गैर्वीरैश्च धातुरक्तैर्गजैस्तथा अलंकृताभिर्नारीभिर्बालकैः सुविभूषितैः
भूतेभ्यस्तु बलिं दद्यान्मंत्रेणानेन सामिषम् १
त्रींस्त्रीन्वारांस्त्रिशूलेन दिग्विदिक्षु क्षिपेद्बलिम्
मरुतोऽथाश्विनौ रुद्राः सुपर्णा पन्नगा ग्रहाः १०४ शाकिन्यो यक्षवेताला योगिन्यः पूतनाः शिवाः
दिक्पाला लोकपालाश्च ये च विघ्नविनायकाः १
सविघ्नं मम पापं ते शाम्यंतु परिपन्थिनः। सौम्या भवंतु तृप्ताश्च भूताः प्रेताः सुखावहाः ।।१
इत्येवं भ्रामयेद्राष्ट्रे दुर्गां देवी रथे स्थिताम् १
अथोत्पन्नेषु विप्रेषु भूतशांतिं समाचरेत् १
एवं ये कुर्वते यात्रां राजानोऽन्येऽपि मानवाः 4.138.११
ते सर्वे पापनिर्मुक्ता यांति भागवतीं पुरीम् ।।१
न तेषां शावको नाग्निर्न चौरा न विनायकाः
नीरुजः सुखिनो भोगभोक्तारो भयवर्जिताः
इत्येष ते समाख्यातो दुर्गादेव्या महोत्सवः
शूलाग्रभिन्नमहिषासुरपृष्ठविष्टामृत्खातखड्गरुचिरांगदबाहुदण्डाम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे महानवमीव्रतवर्णनंनामाष्टत्रिंशदुत्तरशततमोऽध्यायः
महेन्द्रध्वजमहोत्सववर्णनम् विजयार्थं महेन्द्रस्य ध्वजयष्टिः प्रतिष्ठिता
मेरोरुपरि संस्थाप्य सिद्धविद्याधरोरगैः
स्वच्छत्रघंटापिटकैः किंकिणीबद्धबुद्बुदैः गता रसातलं दैत्या देवाश्चापि दिवि स्थिताः
ततः प्रभृति तां दिव्यामिंद्रयष्टिं यजंति ते
अतः स्वर्गं गतो राजा भूरिपुण्यवशाद्वसुः
तस्मै दता महेन्द्रेण वसुयष्टिः प्रगृह्यताम्
अवतार्य वर्षासमये सर्वैर्नृपतिभिः सह
महेन मघवा प्रीतो ददौ पुण्यं वसोर्वरम्
येषु देशेषु मनुजा भक्तिभावपुरःसराः
तेषु देशेषु मुदिताः प्रजा रोगविवर्जिताः 4.139.
भविष्यंति सुवेषाश्च सुभाषाश्च सुभूषणाः