बहुभिः कोष्ठकीकृत्य शरौघैः शकलीकृतम्
इमां कृष्णार्द्धवदनां गृहीतां सिंदुरार्चिताम् 4.136.
गंभीरतूर्यध्वनिना प्रबुद्धां वृत्ततांडवाम्
एवं कृते न दारिद्र्यं न च दुःखं भवेन्नृणाम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे भूतमात्रुत्सववर्णनं नाम षटत्रिंशदुत्तरशततमोऽध्यायः
रक्षाबन्धनवर्णनम् तं शृण्वेकाग्रमनसा समासाद्गदितं मया
पुरा देवासुरे युद्धे दानवा सुरनिर्जिताः
दैवाद्भवंति भूतानां काले जयपराजयाः
संधानं सह शक्रेण क्रियतामयनद्वयम
रक्षाबंधप्रभावेन दानवेन्द्रो जितो महान्
भार्गवेणैवमुक्तास्ते दानवा विगतज्वराः
एष प्रभावो रक्षायाः कथितस्ते युधिष्ठिर
कस्यां तिथौ कदा देव एतन्मे वक्तुमर्हसि
यथा यथा हि भगवान्विचित्राणि प्रभाषते
संप्राप्ते श्रावणे चैव पौर्णमास्यां दिनोदये ।। 4.137.
स्नानं कुर्वीत मतिमाञ्श्रुतिस्मृतिविधानत
उपाकर्मादिवेदोक्तमृषीणां चैव तर्पणम्
शूद्राणां मंत्रसहितं स्नानं दानं च शस्यते
ततोपराह्नसमये रक्षापोटलिकाः शुभाः
वस्त्रैर्विचित्रैः कार्पासैः क्षौमैर्वा मलवर्जितैः
कार्या गृहस्य रक्षा गोमयरहितैः सुवृत्तकुंडूकैः
उपलिप्तगृहमध्ये चतुष्कोपरि न्यसेच्छुभं पीठम्
वेश्याजनेनसहितो मंगलशब्दैः सुहसितैश्चिह्नैः
देवद्विजातिशस्ता सुस्त्रीरर्घ्यैः समर्चयेत्प्रथमम्
महानवमीव्रतवर्णनम् श्रीकृष्ण उवाच पुण्या महानवम्यस्ति तिथीनां प्रवरा तिथिः । सानुष्ठेया सुरैः सर्वैः प्रजापालैर्विशेषतः । । १ भवानुत्थापयेत्पार्थ सम्वत्सरसुखाय वै । भूतप्रेतपिशाचानां प्रीत्यर्थं चोत्सवाय वा । । २ युधिष्ठिर उवाच कस्मात्कालात्प्रवृत्तेयं नवमी महशब्दयुक् । किमादावुपपन्नोऽस्ति भगवन्नवमीविधिः । । ३ यशोदागर्भसम्भूतेरुत यात्रा प्रवर्तते । उताहो पूर्वमेवासीत्कृतत्रेतायुगादिषु । । ४ यदस्यां प्राणिनः केचिन्मन्यन्ते घातयन्ति च । हतानां प्राणिनां तेषां का गतिः पारलौकिकी । । ५ स्वयं घ्नतां घातयतामनुमोदयतां तथा । एतन्मे संशयं पूर्वं वक्तुमर्हसि केशव । । ६ श्रीकृष्ण उवाच पार्थ या परमा शक्तिरनन्ता लोकविश्रुता । आद्या सर्वगता शुद्धा भावगम्या मनोहरा । । ७ आद्याष्टमी कलाकाली द्वितीया सर्वमङ्गला । माया कात्यायनी दुर्गा चामुण्डा शङ्करप्रिया । । ८ ध्यायन्ति यां योगरतां सा देवी परमेश्वरी । रूपभेदैर्नामभेदैर्भवानी पूज्यते शिवा । । ९ अष्टम्यां तु नवम्यां तु देवदानवराक्षसैः । गन्धर्वैरुरगैर्यज्ञैः पूज्यते किन्नरैर्नरैः । । 4.138.१० अन्येष्वपि युगेष्वादौ सृष्टेः पूर्वं प्रदर्शिता । पूज्यतेयं पुरा देवी तेभ्यः पूर्वतरैः शुभैः । । ११ आश्वयुक्छुक्लपक्षे च याष्टमी मूलसंयुता । सा महानवमी नाम त्रैलोक्येऽपि सुदुर्लभा । । १२ कन्यागते सवितरि शुक्लपक्षेऽष्टमी तु या । मूलनक्षत्रसंयुक्ता सा महानवमी स्मृता । । १३ अष्टम्यां च नवम्यां च जगन्मातरमम्बिकाम् । पूजयित्याऽऽश्विने मासि विशोको जयति द्विषः । । १४ सन्तर्जयन्ती हुंकारैः खड्गादिभिरहर्निशम् । नवम्यां पूजिता देवी ददाति नवमं फलम् । । १५ सा पुण्या सा पवित्रा च सा धर्मसुखदायिनी । तस्मात्सदा पूजनीया चामुण्डामुण्डमालिनी । । १६ तस्यां यद्युपयुज्यन्ते प्राणिनो महिषादयः । सर्वे ते स्वर्गतिं यान्ति घ्नतां पापं न विद्यते । । १७ न तथा बलिदानेन पुष्पधूपविलेपनैः । यथा संतुष्यते लोके महिषैर्विन्ध्यवासिनी । । १८ उद्दिश्य दुर्गां हन्यन्ते विधानाद्येऽत्र जन्तवः । स्वर्गं ते यान्ति कौन्तेय घातयन्तोऽपि भक्तितः । । १९ भवानीप्राङ्गणे प्राणा येषां याता युधिष्ठिर । तेषां स्वर्गे ध्रुवं वासो वरास्तेऽप्सरसां प्रियाः । । 4.138.२० मन्वन्तरेषु सर्वेषु कल्पेषु कुरुनन्दन । तेषु सर्वेषु चैवासीन्नवमीयं पुरार्चिता
प्रसिद्धानादिनिधना वर्षेवर्षे युधिष्ठिर
अवतीर्णा भुवि सदा नित्यं दैत्यनिबर्हिणी
पुनश्चैषा महादेवी यशोदा गर्भसंभवा
ततः प्रभृति लोकेषु यशोदानंददायिनीम्
पूर्वप्रवृद्धोऽपि पुनर्भगिन्या महिमा कृतः