कुंकुमक्षोदतांबूलपुष्प मालाकुलो जनः
पीतशीतजलाघात ताडितोऽपि जनः सुखम्
एवं ये तु गमिष्यंति नरा वर्त्मतया गतम्
पुत्रपौत्रसमा युक्ता धनधान्यसमायुताः
प्राप्ते वसंतसमये सुरसत्तमानामान्दोलनं सुरवराननुकुर्वते ये
इति श्रीभविष्ये महापुराण उत्तरपर्वणि श्रीकृष्णयुधिष्ठि रसंवाद आन्दोलकविधिवर्णनं नाम त्रयस्त्रिंशदुत्तरशततमोऽध्यायः
दमनकांदोलकरथयात्रामहोत्सववर्णनम् स्थिरो भूत्वा निबोधेदं त्वं हि मूर्तविदां वरः
चैत्रे त्रिनेत्रसंभूतमलयाख्यमहागिरौ
एतस्मिन्नेव काले तु भ्रममाणो यदृच्छया
दृष्ट्वापूर्वं शिवं शांतं सुरेशैः सर्वतो वृतम्
तमुपासीनमालक्ष्य भगवान्भगनेत्रहा
वसंतो नाम कोऽप्येष कामस्य दयितः सखा
मलयानिलयुक्तेन तेन विश्वं वशीकृतम्
पोषयामास विजयं मन्मथस्य पुरेपुरे
कोयं च डिम्बो वा ब्रह्मा कामस्त्रिजगतां प्रभुः
ऊर्ध्वबाहुस्तु नर्नर्ति तालदत्तपदक्रमः 4.134.
गायंतश्च परीहृष्टास्ते चाप्यायांति यांति च
तेऽपि गायंति नृत्यंति हसंति स्मरतारकाः
विटं पश्यंति कुलटाः प्रारब्धोचितपण्डिताः
एवमेतत्त्रिलोकेऽस्मिन्निति व्यवसितो जनः
वसंतस्य प्रभावोऽयं कोऽप्यपूर्वो विजृंभते
वृक्षाः पक्षिशताकीर्णा विजिघ्राणमुखाः सुराः
कृतः प्रत्यक्षसुमहान्वसंतो न जगत्त्रये
उभावपि प्रतप्येते पश्येदं कामचेष्टितम्
पादपाः पल्लवशतैर्नृत्यंते च प्रहर्षिणः
कौतुकाकुलितः शीघ्रमारुरोह रथं स्वकम् 4.134.
प्रययौ पुण्डरीकाक्षः शंखचक्रगदाधरः
आस्थाय प्रययौ हृष्टो ब्रह्मा ब्राह्मणसंस्तुतः
वृतो रथेन प्रययौ भास्करो वारितस्करः
कात्यायनी प्रचलिता पञ्चवक्त्रेण केतुना