चैत्रादिचतुरो मासाञ्जलं कुर्यादयाचितम्
व्रतांते मणिकं दद्यादन्नवस्त्रसमन्वितम्
तिलपात्रं हिरण्यं च ब्रह्मलोके महीयते
पञ्चामृतेन स्नपनं कृत्वा विष्णोः शिवस्य च
विप्राय कनकं शंखं स पदं याति शांकरम्
यो हिंसां वर्जयित्वा तु मासं संवत्सरं तथा
तद्वत्सवत्सां गां दद्यात्सोऽश्वमेधफलं लभेत्
माघमास्युषसि स्नानं कृत्वा दांपत्यमर्चयेत् 4.121.
सौभाग्यं महदाप्नोति शरीरारोग्यमुत्तमम्
आषाढादिचतुर्मासं प्रातःस्नायी भवेन्नरः
घृतकुंभं ततो दत्त्वा सर्वान्कामानवाप्नुयात्
अयनादयनं यावद्वर्जयेन्मधुसर्पिषी
दत्त्वा शिवपदं याति दत्त्वा तु घृतपायसम्
संध्यादीपप्रदो यस्तु मांसं तैलं विवर्जयेत्
वस्त्रयुग्मं च विप्राय स तेजस्वी भवेद्दृढम्
एकभक्तेन सप्ताहं गौरीं वा यस्तु पूजयेत्
ततः सुवासिनीभ्यां तु कुंकुमेन विलेपयेत्
तांबूलं शोभनं दत्त्वा नारिकेलफलं तथा 4.121.
एकैकां पूजयेद्देवीं सप्ताहं यावदेव तु
षड्रसं भोजयित्वा तु यथाशक्त्या विभूषणैः
कुमुदा माधवी गौरी भवानी पार्वती उमा
ब्राह्मणं पृजयित्वैकं वाच्यः संपमन्नमस्तु ते
करोति सुन्दरं देहं सौभाग्यं यच्छते परम्
शुक्तिं गंधभृतां दत्त्वा विप्राय सितवाससी
वारुणं च पदं याति तदेतद्वरुणव्रतम्
मासांतेऽथ ततो दद्यात्सवत्सां गां द्विजातये ।। स्थित्वा विष्णुपदे कल्पं ततो राजा भवेदिह
एतत्कांतिव्रतं नाम कांतिकीर्तिप्रदायकम्
त्र्यहं तिलव्रती भूत्वा वह्निं संतर्पयेद्द्विजम् 4.121.
शक्तितस्त्रिपलादूर्ध्वं विश्वात्मा प्रीयतामिति
एतद्ब्रह्मव्रतं नाम निर्वाणफलदं नृणाम्