दैवज्ञव्यासरूपाय वेदवेदांगवादिने फलमेकं तथा धान्यं कोपं वासं परित्यजेत्
संपूर्णे च ततो वर्षे पुनर न्यदुपक्रमेत् पुमान्फलमवाप्नोति तदेकाग्रमनाः शृणु
ब्राह्मणश्चतुरो वेदान्सर्वशास्त्रविशारदः
वैश्योऽप्यायुष्यमाप्नोति गोधनं चापि नंदति
स्त्रीणां पुत्राः प्रजायंते सौभाग्यं वृद्धिऋद्धिमत्
कन्या भर्तारमाप्नोति व्याधेर्मुच्येत दुःखितः
येषु देशेष्वगस्त्यर्षेः पूजनं क्रियते जनैः 4.118.
ईतयः प्रशमं यांति नश्यंति व्याध यस्तथा
ते सर्वे पापनिर्मुक्ताश्चिरं स्थित्वा महीतले
मर्त्यो यदीच्छति गृहं परमर्द्धियुक्तं भोगशरीरमरुजं पशुपुत्रपुष्टिम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे ऽगस्त्यार्घ्यविधिव्रतवर्णनं नामाष्टादशोत्तरशततमोऽध्यायः
अभिनवचन्द्रार्घ्यव्रतवर्णनम् शृणुष्वाभिनवस्येंदोरुदयेऽर्घ्यविधिं परम्
रविर्द्वादशभिर्भागैर्वारुण्यां दृश्यते यदि
द्वितीयायां सिते पक्षे संध्याकाले ह्युपस्थिते
गोमयं मंडलं कृत्वा चंदनेन सुशोभितम्
पुष्पचन्दनधूपैश्च दीपाक्षतजलैः शुभैः
मंत्रेणानेन राजेन्द्र क्षत्रियः सपुरोहितः आप्यायस्व समेत्वेवं सोमराज नमोनमः
अनेनविधिनाचार्यं सर्वकामफलप्रदम्
स कीर्त्या यशसा कांत्या धन्यश्च भुवि मानवः
स्थित्वा वर्षशतं मर्त्ये ततः सोमपुरं व्रजेत् वरस्त्रीभिः सहात्यर्थं यावदाभूतसंप्लवम्
धर्मं समृद्धिमतुलां यदि वाञ्छसि त्वं मासानुमासमिह मद्वचनं कुरुष्व 4.119.
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादेऽभिनवचंद्रार्घ्यव्रतवर्णनं नामैकोनविंशोत्तरशततमोऽध्यायः
शुक्रबृहस्पत्यर्घपूजावर्णनम् यात्रारंभे प्रयाणे च तथा शुक्रोदयेष्विह
शुक्रपूजा प्रकर्तव्या तां निशामय सारतः
शुक्लपुष्पांबरयुते सिततंडुलपूरिते
सह तेन सवत्साङ्गां ब्राह्मणाय निवेदयेत् कवे सर्वार्थसिद्ध्यर्थं गृहाणार्घ्यं नमोऽस्तु ते
दत्त्वैवमर्घ्यं कौन्तेय प्रणिपत्य विसर्जयेत्
यावच्छुक्रस्य न कृता पूजा सोहालकैः शुभै. तावन्न दानं दातव्यं स्त्रीभिः कामार्थसिद्धये
एवं तस्योदये कुर्वन्यात्रादिषु च भारत
तद्वद्वाचस्पतेः पूजां प्रवक्ष्यामि युधिष्ठिर पीतपुष्पांबरयुतं कृत्वा स्नात्वाथ सर्षपैः