वक्षःकुक्षिदृष्टिपृष्ठबाह्वंसांकशिरोरुहान्
पूजितस्त्वं यथाशक्त्या नमस्तेऽस्तु सुरोत्तम
एवं क्षमापयित्वा तु देवरूपं विधानतः 4.110.
स्थित्वा पूर्वमुखो विप्रो गृह्णीयाद्दर्भपाणिना मंत्रेणानेन कौंतेय सोपवासः प्रयत्नतः
इदं व्रतं मया खंडं कृतमासीत्पुरा द्विज
ब्राह्मणोऽपि प्रतीच्छेत्तु मंत्रेणानेन तद्व्रतम् संपूर्णस्य प्रसादेन भव पूर्णमनोरथः
ब्राह्मणा यत्प्रभाषंते ह्यनुमोदंति देवताः
जलधिः क्षारतां नीतः पावकः सर्वभक्षताम्
ब्राह्मणानां तु वचनाद्ब्रह्महत्या प्रणश्यति
व्यासवाल्मीकिवचनाद्ब्राह्मणवचनाच्च गर्गगौतम पराशरधौम्यांगिरसवाष्ठिनारदादिमुनिवचनात्संपूर्णं भवतु ते व्रतम्
एवंविधविधानेन गृहीत्वा ब्राह्मणो व्रजेत् ततः पंच महायज्ञान्निर्वपेद्भोजनादि च
एवं यः कुरुते भक्त्या व्रतमेतत्सकृत्तथा २९ खंडं संपूर्णतां याति प्रसन्ने व्रतदैवते 4.110.
भोगी भव्यो लसत्कीर्तिः स्व संपूर्णमनोरथः
यथेष्टचेष्टाचारी च ब्रह्मविष्ण्विन्द्रपूजितः
प्रायश्चित्तमिदं प्रोक्तं पुरा गर्गेण मे प्रभो
एवं त्वमपि कौंतेय चर संपूर्णकं व्रतम्
भग्नानि यानि मदमोहवशाद्गृहीत्वा जन्मान्तरेष्वपि नरेण समत्सरेण
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे संपूर्णव्रतवर्णनं नाम दशोत्तर शततमोऽध्यायः
कामदानवेश्याव्रतवर्णनम् पण्यस्त्रीणां समाचारं श्रोतुमिच्छामि तत्त्वतः
का ह्यासां देवता कृष्ण किं व्रतं किमुपोषितम्
मम पत्नीसहस्राणि संति पांडव षोडश
ताभिर्वसंतसमये कोकिलालिकुलाकुले निर्भरापानगोष्ठीषु प्रसक्ताभिरलंकृते
कुरंगनयनः श्रीमान्मालतीकृतशेखरः
साक्षात्कंदर्परूपेण सर्वाभरणभूषितः
प्रवृद्धो मन्मथस्तासां सर्वाङ्गक्षोभदायकः
अशेषे रुषितः सर्वा हरिष्यंतीह दस्यवः
एतद्वाक्यमुपश्रुत्य बाष्पर्याकुलेक्षणाः
भर्तारं जगतामीशं भवंतमपरा जितम् 4.111.
द्वारिकावासिनः सर्वान्देवरूपान्कुमारकान्
दासभावमनुप्राप्य भविष्यामः कथं पुनः