भर्ता तस्याः समागत्य तां ददर्श महाधनाम्
पुनर्जगाम सा हृष्टा गोरथेन स्वमाश्रमम् तेनानंतप्रभावेण शुभगोधनसंकुलः
गृहाश्रमः श्रिया युक्तो धनधान्यसमायुतः
सापि माणिक्यकाञ्चीभिर्मुक्ताहारविभूषिता
कदाचिदुपविष्टेन दृष्टं बद्धं सुदोरकम्
तेन कर्मविपाकेण तस्य सा श्रीः क्षयं गता
यद्यदेवागतं गेहे तत्र तत्रैव नश्यति
अनंताक्षेपदोषेण दारिद्र्यं पतितं गृहे
ततो जगाम कौंडिन्यो निर्वेदाद्वनगह्वरम्
व्रतं निरशनं गृह्य ब्रह्मचर्यं जपन्हरिम्
तत्रापश्यन्महावृक्षं फलितं पुष्पितं तथा तद्ब्रूहि सोप्युवाचेदं नानंतं वेद्म्यहं द्विज
एवं निरीक्षितस्तेन गां ददर्श सवत्सकाम्
सोब्रवीद्धेनुके ब्रूहि यद्यनंतस्त्वयेक्षितः
ततो जगामाथ वने गोवृषं शाद्वले स्थितम्
गोवृषस्तमुवाचाथ नानन्तो वीक्षितो मया
अन्योन्यजलकल्लोलवीचिभिः परिशोभितम्
सेवितं भ्रमरैर्हंसैश्चक्रैः कारंडवैर्बकैः
ऊचतुः पुष्करिण्यौ तं नानंतं विद्वहे द्विज
तावप्युक्तौ सुमंतेन तस्यापि विनिवेदितम्
तस्मिन्क्षणे मुनिवरे कौंडिन्ये ब्राह्मणोत्तमे
वृद्धब्राह्मणरूपेण इत एहीत्युवाच तम्
तां पुरीं दर्शयामास दिव्यनारीनरैर्युताम्
पार्श्वस्थशंखचक्रासिगदागरुडशोभितम्
विभूतिभेदैश्चानन्तमनन्तं परमेश्वरम्
पापोहं पापकर्माहं पापात्मा पापसम्भवः
अद्य मे सफलं जन्म जीवितं च सुजीवितम् गर्दभं कुञ्जरं चैव देव मे ब्रूहि तत्त्वतः
विद्यादानं नोपकुर्वञ्छिष्येभ्यस्तरुतां गतः
सा गौर्वसुन्धरा दृष्टा निष्फला या त्वयेक्षिता
धर्माधर्मव्यवस्थानं तच्च पुष्करिणीद्वयम् ब्राह्मणोसावनंतोहं गुहासंसारगह्वरे
इत्युक्तं ते मया सर्वं विप्र गच्छ पुनर्गृहम्