ब्राह्मणैः क्षत्रियैर्वैश्यैः शूद्रैः स्त्रीभिस्तथैव च
पुष्पैः फलैस्तथा वस्त्रैर्दीपालक्तकचन्दनैः
खर्जूरैर्नालिकेरैश्च बीजपूर्णारकैस्तथा
आलिख्य मण्डले देवं वरुणं वारुणीयुतम्
वरुणाय नमस्तुभ्यं नमस्ते यादसांपते
मा क्लेदं मा च दौर्गंध्यं विरस्यं मा मुखेऽस्तु मे
एवं यः पूजयेद्भक्त्या वरुणं वरुणालयम्
चातुर्वर्ण्यथ वै नारी व्रतेनानेन पांडव 4.91.
एवं यः कुरुते पार्थ पालीव्रतमुत्तमम्
संरुद्धशुद्धसलिलातिबलां विशालां पालीमुपेत्य बहुभिस्तरुभिः कृतालीम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे पालीव्रतवर्णनं नामैकनवतितमोऽध्यायः
रम्भाव्रतवर्णनम् देवलेन पुरा गीतं देवर्षिगणसन्निधौ
अप्सरोगणगंधर्वैर्देवैः सर्वैः समर्चितम् शुक्लपक्षे चतुर्दश्यां मासि भाद्रपदे नृप
दत्तमर्घ्यं वरस्त्रीभिः फलैर्नानाविधैः शुभैः
दधिदूर्वाक्षतैर्वस्त्रैर्नैवेद्यैर्घृतपाचितैः
कदलैः कन्दरभटैर्मोचा सात्र निगद्यते
मंत्रे णानेन चैवार्घ्यं शृणुष्व च नराधिप शरीरारोग्यलावण्यं देहि देवि नमोऽस्तु ते
इत्थं यः पूजयेद्राजा पुरुषो भक्तिमान्नृप
तस्याः कुले न भवति क्वचिन्नारी कुलाटनी
विलासिनी वा वृषली पुनर्भूः पुनरेतसी
भर्तृ व्रतात्प्रचलिता न कदाचित्प्रजायते आयुष्मती कीर्तिमती रमेद्वर्षशतैर्भुवि ।। 4.92.
एकं रंभा व्रतं चीर्णं गायत्र्या स्वर्गसंस्थया
श्वेतद्वीपे तथा लक्ष्म्या राज्ञ्या च रविमंडले
सीतादेव्या त्वयोध्यायां वेदवत्या हिमाचले
एतद्व्रतं पार्थिवेन्द्र मासि भाद्रपदे सिते
संभिन्नकन्दकदली च मनोज्ञरूपां याः पूजयंति कुसुमाक्षतधूपदीपैः
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे रम्भाव्रतं नाम द्विनवतितमोऽध्यायः
आग्नेयीचतुर्दशीव्रतवर्णनम् नष्टस्तदा हव्यवाहः पुनरस्तित्वमाप्तवान्
केनाग्नित्वं कृतं तत्र कथं हि विदितोऽनलः
अपृच्छन्विश्वकर्तारं तारकं को वधिष्यति