शांताश्च केचिदिच्छंति शक्त्या दद्याच्च दक्षिणाम्
देवदेवस्य राजेन्द्र पुष्पदीपान्नसंयुतम्
प्रदद्याच्छिवभक्तेभ्यो विशुद्धेनांतरात्मना
नारी वा भरतश्रेष्ठ कुमारी वा यतव्रता
अनेन विधिना कुर्याद्यस्त्वनंगत्रयोदशीम्
सौभाग्यं महदाप्नोति यावज्जन्मशतं नृप
कामेन या किल पुरा समुपोषितासीच्छुभ्रा तिथिस्त्रिदशमी सुशुभांगहेतोः
इति श्रीभविष्ये महापुराण उत्तरपर्वण्यनंगत्रयोदशीव्रतवर्णनं नाम नवतितमोऽध्यायः
पालीव्रतवर्णनम् कस्यार्थं सम्प्रयच्छंति कृष्णैताः कुलयोषितः
मासि भाद्रपदे प्राप्ते शुक्ले भूततिथौ नृप
ब्राह्मणैः क्षत्रियैर्वैश्यैः शूद्रैः स्त्रीभिस्तथैव च
पुष्पैः फलैस्तथा वस्त्रैर्दीपालक्तकचन्दनैः
खर्जूरैर्नालिकेरैश्च बीजपूर्णारकैस्तथा
आलिख्य मण्डले देवं वरुणं वारुणीयुतम्
वरुणाय नमस्तुभ्यं नमस्ते यादसांपते
मा क्लेदं मा च दौर्गंध्यं विरस्यं मा मुखेऽस्तु मे
एवं यः पूजयेद्भक्त्या वरुणं वरुणालयम्
चातुर्वर्ण्यथ वै नारी व्रतेनानेन पांडव 4.91.
एवं यः कुरुते पार्थ पालीव्रतमुत्तमम्
संरुद्धशुद्धसलिलातिबलां विशालां पालीमुपेत्य बहुभिस्तरुभिः कृतालीम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे पालीव्रतवर्णनं नामैकनवतितमोऽध्यायः
रम्भाव्रतवर्णनम् देवलेन पुरा गीतं देवर्षिगणसन्निधौ
अप्सरोगणगंधर्वैर्देवैः सर्वैः समर्चितम् शुक्लपक्षे चतुर्दश्यां मासि भाद्रपदे नृप
दत्तमर्घ्यं वरस्त्रीभिः फलैर्नानाविधैः शुभैः
दधिदूर्वाक्षतैर्वस्त्रैर्नैवेद्यैर्घृतपाचितैः
कदलैः कन्दरभटैर्मोचा सात्र निगद्यते
मंत्रे णानेन चैवार्घ्यं शृणुष्व च नराधिप शरीरारोग्यलावण्यं देहि देवि नमोऽस्तु ते
इत्थं यः पूजयेद्राजा पुरुषो भक्तिमान्नृप
तस्याः कुले न भवति क्वचिन्नारी कुलाटनी
विलासिनी वा वृषली पुनर्भूः पुनरेतसी