शृणु संक्षेपतो ह्येतत्कथयामि तवाग्रतः
निर्धनोपि धनाढ्यः स्यादपुत्रः पुत्रवान्भवेत्
मुच्यते बंधनाद्बद्धो निर्भयः स्याद्भयातुरः
इह जन्मनि भो विप्र भक्त्या च विधिनार्चयेत्
प्रातःस्नायी शुचिर्भूत्वा दंतधावनपूर्व कम्
नारायणं सांद्रघनावदातं चतुर्भुजं पीतमहार्हवाससम्
करोमि ते व्रतं देव सायंकाले त्वदर्चनम्
इति संकल्प्य मनसा सायंकाले प्रपूजयेत्
शालग्रामं स्वर्णयुक्तं पूजयेदात्मसूक्तकैः
ॐनमो भगवते नित्यं सत्यदेवाय धीमहि 3.2.24.
जप्तव्यष्टोत्तरशतं जुहुयात्तद्दशांशकम्
षडध्यायीं सत्यमुख्यां तत्पश्चात्तत्प्रसादकम्
आचार्यायादिभागं च द्वितीयं स्वकुलाय सः
विप्रेभ्यो भोजनं दद्यात्स्वयं भुञ्जीत वाग्यतः
कारयेद्यदि भक्त्या च श्रद्धया च समन्वितः
इह जन्मकृतं कर्म परजन्मनि पद्यते
सत्यनारायण व्रतमिह सर्वान्कामान्ददाति हि
इत्युक्त्ंवाऽतर्दधे देवो नारदः स्वर्गतिं ययौ
इतिहासमिमं वक्ष्ये संवादं हरिविप्रयोः
काशीपुरीति विख्याता तत्रासीद्ब्राह्मणो वरः
शतानंद इति ख्यातो विष्णुव्रतपरायणः
विनीतस्यातिशांतस्य स बभूवाक्षिगोचरः क्व यासीति द्विजश्रेष्ठ वृत्तिः कामेन कथ्यताम्
याचितुं धनिनां द्वारि व्रजामि धनमुत्तमम्
तद्वारक उपायोयं विशेषेण कलौ किल
ममोपदेशतो विप्र सत्यनारायणं भज चरणं शरणं याहि मोक्षदं पद्मलोचनम्
एवं संबोधितो विप्रो हरिणा करुणात्मना
इदानीं विप्ररूपेण तव प्रत्यक्षमागतः
दुःखोदधिनिमग्नानां तरणिश्चरणौ हरेः 3.2.25.
आहृत्य पूजासंभारान्हिताय जगतां द्विज
इति ब्रुवंतं विप्रोसौ ददर्श पुरुषोत्तमम्