सर्वात्मने शिरो राजन्नम इत्यभिपूजयेत् 4.85.
दत्तात्रेयं यथा व्यासमुत्पलेन समन्वितम्
समाप्यैवं यथाशक्त्या द्वादश द्वादशीर्नरः शय्यां दद्यान्मुनिश्रेष्ठ गुरवे रससंयुताम्
ग्रामं च शक्तिमान्दद्यात्क्षेत्रं वा भवनान्वितम्
अन्यानपि यथाशक्त्या भोजयित्वा द्विजोत्तमान्
अल्पवित्तो यथाशक्त्या स्तोकंस्तोकं समाचरेत् पुप्पार्चनविधानेन स कुर्याद्वत्सरत्रयम्
अनेन विधिना यस्तु विभूतिद्वादशीव्रतम्
जन्मनां शतसाहस्रं न शोकफलभाग्भवेत्
वैष्णवो वाथ शैवो वा भवेजन्मनिजन्मनि तावत्स्वर्गे वसेद्राजन्भूपतिश्च पुनर्भवेत्
पुरा रथंतरे कल्पे राजासीत्पुष्पवाहनः
तपसा तस्य तुष्टेन चतुर्वक्त्रेण भारत ।।4.85.
समस्तभृत्यसहितः सांतःपुरपरिस्थितः
कल्पादौ सप्तमे द्वीपे तेन पुष्करवासिनः
तदैव ब्रह्मणा दत्तं यानमस्य यतो नृप
नागस्य तस्यास्य जगत्त्रयेपि ब्रह्मांबुजस्थस्य तपोऽनुभावात्
नाम्ना च लावण्यवती बभूव या पार्वतीवेष्टतमा भवस्य
तदात्मनः सर्वमवेक्ष्य राजा मुहुर्मुहुर्विस्मयमाससाद
कस्माद्विभूतिरमला मम मर्त्यपूज्या जाया च सर्वविजितामरसुन्दरी या
यस्मिन्प्रविष्टमपि कोटिशतं नृपाणां सामात्यकुजरनराश्वघनावृतानाम्
तस्मात्किमन्यजननीजठरोद्भवेन धर्मादिकं कृतमशेषजनातिगं स्यात्
तस्य तद्वचनं श्रुत्वा ध्यानेना वेक्ष्य चाखिलम् 4.85.
लुब्धकस्त्वं पुरा राजन्सर्वसत्त्वभयंकरः
यतमध्यो ह्रस्वकेशः कृष्णांगो रक्तलोचनः
अभूदनावृष्टिरतीव रौद्रा कदाचि दाहारनिमित्तरोषः
उन्मूल्य लोभाच्च पुरं समस्तं भ्रांतं त्वयाशेषमहत्तदा सीत्
उपविष्टस्त्वमेकस्मिन्सभार्यो भवनांगणे
समाप्य माघमासस्य द्वादश्यां लवणाचलम्
अलंकृत्य हृषीकेशं सीवर्णं परमं पदम्
किमेभिः कमलैः कार्यं वरं विष्णुरलंकृतः
तत्प्रसंगात्समभ्यर्च्य केशवं लवणाचलम्