माघमासे च संप्राप्ते आषाढर्क्षं भवेद्यदि
गृह्णीयात्पुण्यफलदं विधानं तस्य मे शृणु
कृष्णनाम्ना च संपूज्य एकादश्यां महामते
संस्तूय नाम्ना तेनैव कृष्णाख्येन पुनःपुनः
ततश्च प्राशयेच्छस्तांस्तथा कृष्णतिलान्नृप
कृष्णकुंभांस्तिलैः सार्द्धं पक्वान्नेन च संयुताः ब्राह्मणेभ्यः प्रदेयास्ते यथावन्माससंख्यया
तिलप्ररोहाज्जायंते यावत्संख्यास्तिला नृप अरोगो जायते नित्यं नरो जन्मनिजन्मनि
अंधो न बधिरश्चैव न कुष्ठी न च कुत्सितः 4.81.
अनेन पार्थ विधिना तिलदाता न संशयः
दानं विधिस्तथा श्राद्धं सर्वपातकशांतये
सर्वोपभोगनिरतोह्नि परे दशम्यां स्नानं तिलैस्तिलनिवेदनकृत्तिलाशी
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे उल्कानवमीव्रतवर्णनं नामैकाशीतितमोऽध्यायः
सुकृतद्वादशीव्रतवर्णनम् तदपापाय भवति तदाचक्ष्व यदूत्तम
उपवासप्रभावं वै कृष्णाराधनकांक्षिणाम्
आमुष्मिकं न तापाय प्रतापाय च जायते
उपोषितप्रभावं च कृष्णाराधनकांक्षिणाम्
वैदिशं नाम नगरं प्रख्यातं नृपसत्तम
भार्यया मातृदुहिता पुत्रपौत्रैः समन्वितः
पुत्रपौत्रादिभरणे व्यासक्तिर्मतिरेव च
चकारानुदिनं सोऽथ न्यायान्यायैर्द्धनार्जनम्
न जुहोत्युदिते काले न ददात्यतितृष्णया
नित्यनैमित्तिकानां च हानिं चक्रे स्वकर्मणा 4.82.
कालेनागच्छतासोऽथ मृतो विंध्याटवीतटे
तं ददर्श महाभागो दिव्ययानसमन्वितः भास्करस्याशुभिर्द्दीप्तैर्दहंतमतिदारुणैः
प्रतप्तवालुकामध्ये तृषार्तं चातिपीडितम् निष्क्रांतजिह्वमंगेषु विस्फोटैः सर्वतश्चितम्
निश्वासायासखेदेन विह्वलं पीडितोदरम्
तथादृशमथो दृष्ट्वा गर्दभेयो महानृषिः
जानन्नपि यथाप्राप्तं तस्यानुष्ठानजं फलम्
उपर्यर्ककरैस्तीक्ष्णैस्तृषावातनिपीडितम्
अन्यस्तत्राणकैर्घोरैरविषह्यैः सुदारुणैः