तेषामन्नं हिरण्यं च दद्याच्छुद्धेन चेतसा
यथाविभवसारेण पश्चाद्भुंजीत वाग्यतः
एवं यज्ञो महाराजश्चोक्तस्ते संप्रकीर्तितः 4.74.
वाजपेयातिरात्राभ्यां ये यजंति शतं समाः
सप्त जन्मानि सौभाग्यमायुरारोग्यसंपदः
मृतो विष्णुपुरं याति विष्णुना सह मोदते
रुद्रलोके तथा राजन्युगानि द्वादशैव तु
पुण्यक्षयादिहाभ्येत्य राजा भवति धार्मिकः
व्रतमेतत्पुरा चीर्णं सगरेण महात्मना
अन्यैश्च पृथिवीपालैः पालिताशेषभूतलैः
भृग्वाद्यैर्मुनिभिः सर्वैर्ब्राह्मणैर्वेदपारगैः
अद्यप्रभृति चैवेयं ख्यातिं यास्यति भूतले
एषा पुलस्त्यमुनिना कथिता कुरुनंदन 4.74.
सर्वपापविनिर्मुक्तो विष्णुलोके महीयते विष्णुभक्तेन कर्तव्या संसारभयभीरुणा
भीमेन या किल पुरा समुपोषिता च रात्रौ घटस्थिरसुशतिलवारिधारा
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे भीमद्वादशीव्रतवर्णनं नाम चतुःसप्ततितमोऽध्यायः
श्रवणद्वादशीव्रतवर्णनम् एका या द्वादशी पुण्या तां वदस्व ममानघ
सर्वकामप्रदा पुण्या चोपवासे महाफला
संगमे सरितां स्नात्वा द्वादश्यां समुपोषितः
बुधश्रवणद्वादश्यामेवं वै संयतो भवेत्
द्वादशी श्रवणोपेता यदा भवति भारत सोपवासः समाप्नोति नात्र कार्या विचारणा
जलपूर्णे तथा कुंभे स्थापयित्वा विचक्षणः
तस्य स्कंधे सुघटितं स्थापयित्वा जनार्दनम्
स्नापयित्वा विधानेन सितचंदन चर्चितम्
ॐ नमो वासुदेवायेति शिरः संपूजयद्धरेः
ॐ नमः श्रीमते वक्षो भुजौ सर्वास्त्रधारिणे 4.75.
त्रैलोक्यजनकायेति एवं संपूजयेद्धरिम्
अनेन विधिना राजन्पुष्पैर्धूपैः समर्चयेत्
सोदकांश्च नवान्कुंभाञ्छक्त्या दद्याद्विचक्षणः
प्रभाते विमले स्नात्वा संपूज्य गरुडध्वजम् ततः पुष्पांजलिं बद्ध्वा मंत्रमेतमुदीरयेत्