पूजितोऽस्मि सुरैः पुष्पैर्दधिदुग्धाक्षतैस्तथा
मल्लिन्यश्च सुरामांसैरंगजागरनर्त्तनैः
भक्ष्यैर्भोज्यैस्तथा पानैर्दधिदुग्धघृतासवैः 4.73.
गोष्ठीप्रभूतैर्वधूनां स्नेहसंभाषणैर्मिथः
संबंधिभिः क्रमेणैव मल्लानां च पृथक्पृथक्
मासादिकार्तिकांतं च भक्त्या द्वादशनामभिः
केशवनारायणमाधवगोविन्दविष्णुमधुसूदनत्रिविक्रमवामनश्रीधरहृषीकेशपद्मनाभदामोदराणां नमोनम इति
गन्धैः पुष्पैस्तथा धूपैर्दीपैर्जागरणैर्निशि ।। गीतवाद्यैश्च नृत्यैश्च मल्लक्ष्वेडांगयुद्धकैः
घृतदानैः क्षीरदानैः कृष्णो मे प्रीयता मिति
द्वादशी या ममाद्यापि मनसः प्रीतिवर्द्धनी
मत्प्रसादाद्धर्मपुत्र बलं कीर्तिर्यशो धनम्
ये करिष्यंति मद्भक्तास्तेषां दास्यामि हृद्गतम् 4.73.
भांडीरपादपतले मिलितैर्महद्भिर्मल्लैरनाकुलितबाहुबलैर्बलिष्ठैः
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे मल्लद्वादशीव्रतवर्णनं नाम त्रिसप्ततितमोऽध्यायः
भीमद्वादशीव्रतवर्णनम् दमयंत्याः पिता पूर्वं नलस्य श्वशुरो भुवि
सत्यवादनशीलश्च प्रजापालनतत्परः
तस्यापि कुर्वतो राज्यं शास्त्रदृष्टेन कर्मणा
सर्वज्ञाननिधिः श्रीमांस्तीर्थयात्राप्रसंगतः
उत्थाय प्रददौ राजा स्वमासनमभीप्सितम्
राज्यं चैवात्मना सार्द्धं निवेद्य स कृतांजलिः
पप्रच्छ कुशलप्रश्नं तपस्यध्ययने तथा
धर्मे च ते मतिर्नित्यं कच्चित्पार्थिव वर्तते
तव चागमनेनाहं पावितः संगवारिणा
एवं तौ संविदं कृत्वा संभाष्याथ परस्परम् 4.74.
ततः कथांते राजेन्द्र पुलस्त्यं जातविस्मयः
भगवन्प्राणिनः सर्वे संसारार्णवमध्यगाः
नरके गर्भवासे च व्याधिभिर्जन्मना तथा
लालप्यमाना बहवः परपीडोपजीविनः
दृष्ट्वैव तानि तान्येव भृशं मे व्याधितं मनः
उपकारकरं ब्रूहि ममानुग्रहकाम्यया