षष्ठकालेन्नभोज्येन स्थायी स्वर्गे नरो भवेत्
शिलायां भोजनान्नित्यं स्नानं प्रयागजं भवेत्
एवमादिव्रते पार्थ तुष्टिमायाति हेतुतः
निवर्तते क्रियाः सर्वाश्चातुर्वण्यस्य भारत
यज्ञाश्च गृहवेशादि गोदानाच्च प्रतिष्ठितम्
असंक्रांतं तु मासं वै दैवे पित्र्ये च वर्जयेत्
प्राप्ते भाद्रपदे मासि एकादश्यां दिने हरेः 4.70.
य एतदेव शयनं तत्रेदं कारणं शृणु
ममापि मानयत्यङ्गं प्रार्थितो योगनिद्रया
शंखचक्रासिमार्गाद्यैर्बाहवोप्यथ वक्षसा
मुकटेन शिरो रुद्धं कुंडलाभ्यां च कर्णकौ
चतुरो वार्षिकान्मासान्माऽऽश्रिता सा भविष्यति
चकार लोचनावासमतोऽर्थं मे युधिष्ठिर
योगनिद्रा महानिद्रा शेषाभिशयने स्थितः
लक्ष्मीकरांबुजैरच्छैर्मृद्यमानपदद्वयः
व्रतैरनेकैनियमैः पांडवश्रेष्ठ मानवः
ततोऽवबुध्यते देवः श्रीमाञ्छङ्खगदाधरः 4.70.
मन्त्रेणानेन राजेन्द्र देवमुत्थापयेद्द्विजः
समुत्थिते तदा विष्णो क्रियाः सर्वाः प्रवर्तयेत्
उत्थिते देवदेवेशे नगरे पार्थिवः स्वयम्
यंयं दामोदरः पश्येदुत्थितो धरणीधरः
रात्रौ प्रजागरे देवमेकादश्यां सुरालये
होमयेद्धव्यवाहं च हव्यद्रव्यैर्घृतादिभिः
घृतदधिक्षौद्रकाद्यैर्गुडधूपैः समोदकैः
एकादश दशाष्टौ वा पंच द्वौ वा कुरूत्तम
श्रद्धोक्तविधिना पार्थ भोजयेद्भाग्यवान्यतीन्
स्ववाचा स्वमनोभीष्टपत्रपुष्पफलादिकम् 4.70.
कथयित्वा द्विजेभ्यस्तं दद्याद्भक्त्या सदक्षिणाम्
यत्त्यक्तं चतुरो मासान्प्रवृत्तिन्तस्य चाचरेत्
अवसाने तु राजेन्द्र वासुदेवपुरीं व्रजेत्