मधुरस्वरो भवेद्राजा पुरुषो गुडवर्जनात्
कटुतैलपरित्यागाच्छत्रुक्षयमवाप्नुयात्
पुष्पादिभोगत्यागेन स्वर्गे विद्याधरो भवेत्
कटुकाम्लतिक्तमधुरक्षारकाषायमेव च
तांबूलवर्जनाद्भोगी रक्तकण्ठश्च जायते
फलत्यागाच्च मतिमान्बहुपुत्रश्च जायते
पादाभ्यंगपरित्यागाच्छिरोभ्यंगाच्च पार्थिव 4.70.
दधिदुग्ध तक्रनियमाद्गोलोकं लभते नरः
लभेत संततिं दीर्घां तापपक्वस्य भक्षणात्
सदा मुनिः सदा योगी मधुमांसस्य वर्जनात्
एवमादिपरित्यागाद्धर्मः स्याद्धर्मनन्दन
धारणं नखरोमाणां गंगास्नानं दिनेदिने
भूमौ भुंक्ते सदा यस्तु स पृथिव्याः पतिर्भवेत्
पादाभिवंदनाद्विष्णोर्लभेद्गोदानजं फलम्
विष्णुदेवकुले कुर्यादुपलेपनमर्चनम्
प्रदक्षिणाशतं यस्तु करोति स्तुतिपाठकः
गीतवाद्यकरो विष्णोर्गांधर्वं लोकमाप्नुयात् 4.70.
स व्यासरूपी भगवानंते विष्णुपुरं व्रजेत्
नित्यस्नायी नरो यस्तु नरकं स न पश्यति
कृत्वा प्रेक्षणकं दिव्यं राज्यं सोऽप्सरसां लभेत्
षष्ठकालेन्नभोज्येन स्थायी स्वर्गे नरो भवेत्
शिलायां भोजनान्नित्यं स्नानं प्रयागजं भवेत्
एवमादिव्रते पार्थ तुष्टिमायाति हेतुतः
निवर्तते क्रियाः सर्वाश्चातुर्वण्यस्य भारत
यज्ञाश्च गृहवेशादि गोदानाच्च प्रतिष्ठितम्
असंक्रांतं तु मासं वै दैवे पित्र्ये च वर्जयेत्
प्राप्ते भाद्रपदे मासि एकादश्यां दिने हरेः 4.70.
य एतदेव शयनं तत्रेदं कारणं शृणु
ममापि मानयत्यङ्गं प्रार्थितो योगनिद्रया
शंखचक्रासिमार्गाद्यैर्बाहवोप्यथ वक्षसा