सुखासनोपविष्टांश्च प्रागुदङ्मुखवच्छुचीन्
एकदंडीस्त्रिदंडीश्च गृहस्थांश्चापि सुव्रतान्
चार्वंग्यश्चार्चिताः स्नाताः सर्वावयमशोभनाः
अंगैर्वा भोजनीयास्तास्ताश्चादित्यस्य देवताः
पद्मनाभकृष्णविष्णुगोवर्द्धनत्रिविक्रमाः
एभिर्द्वादशभिर्मन्त्रैर्नमस्कारांतयोजितैः
भोजयित्वा शुभान्नानि दद्यात्ताभ्यः सुदक्षिणाम्
ततो भुञ्जीत सहितो भृत्यैः प्रेष्यजनेन च ।। 4.66.
एवं कौंतेय कुरुते योऽरण्यद्वादशीं नरः याति ज्ञातिसमायुक्तः श्वेतद्वीपं हरेः पुरम्
यत्र लोकाः पीतवस्त्राः श्यामदेहाश्चतुर्भुजाः
गरुडासनाः साभरणा मुकुटोत्कट कुंडलाः
लक्ष्मीधरा मेघवर्णाः कूर्पराङ्गदभूषणाः
तस्मादेत्य महातेजाः पृथिव्यां नृपपूजिताः
ततो यांति परं स्थानं मोक्षमार्गं शिवं शुभम्
ये द्वादशीमुपवसंति सितामरण्यनाम्नीं वने द्विजवरानथ भोजयंति
रोहिणीचन्द्रव्रतवर्णनम् मयूरकेकाकुलिते दर्दुरारावपूरिते
कुलस्त्रियः प्रयच्छंति कस्यान्नं काऽत्र देवता
एकादश्यां शुचिर्भूत्वा सर्वौषधिजलैः शुभैः
माषचूर्णेन राजेन्द्र कुर्यादिंदुरिकाशनम्
नरमेकैकमुद्दिश्य ततो गत्वा जलाशयम्
तस्यैव पुलिने रम्ये जुष्टान्ने गोमयादिना
चर्चितं गंधकुसुमैर्धूप दीपाक्षतोज्ज्वलम् अर्चयेच्च सभार्यो वै मन्त्रेणानेन भावितः
सोमराज नमस्तुभ्यं रोहिण्यै ते नमोनमः
एवं संपूज्य तस्याग्रे नैवेद्यं देयमर्चितम् प्रीयतामिति मे देवी रोहिणी सहितप्रिया
एवमुच्चार्य दत्त्वा च ततोंऽतर्जलमाविशेत् 4.67.
ध्यायेच्च मनसा सोमं रोहिणीसहितं तदा
नियम्य वसतां चान्ये ततो विप्राय भोजनम् भक्त्या शक्त्या यथाचित्तं यथावित्तं तथा तथा
यः करोति नरो राजन्नारी वाथ कुमारिका
इह लोके चिरं स्थित्वा धनधान्यसमाकुले
ततः सुतीर्थे मरणं ततो ब्रह्मपुरं व्रजेत्