अनेन विधिना राजन्यः करोति व्रतं नरः
नक्षत्रलोकं व्रजति विमानेनार्कवर्चसा
सहस्रभर्त्ता स्वर्लोके पूज्यमानो दिवाकरैः
एतद्व्रतं पुरा चीर्णं शच्या राज्ञ्या श्रियोमया
मेनया रंभया स्वर्गे उर्वश्या देवदत्तया
चीर्णमेतद्व्रतं पार्थ सर्वपापभयापहम्
जन्मांतरेष्वपि कृतानि हरत्यघानि या संदहत्यहरहः सुकृतोपयोगात्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे तारकद्वादशीव्रतं नाम पञ्चषष्ठितमोऽध्यायः
अरण्यद्वादशीव्रतवर्णनम् सप्राशनं सोपवासं सरहस्यं समन्त्रकम्
व्रतं राघववाक्येन प्रशस्तं दोषवर्जितम्
लोपामु्द्रालये साध्व्यो मुनिपत्न्यो बहुप्रजाः
पद्मिनीपत्रविस्तीर्णे सोपदंशै र्यथा नवैः
तामिहैकमनाः पार्थः शृणुष्वारण्यद्वादशीम्
स्नात्वा नरः सोपवासः कृत्वा पूजां जनार्दने
नीत्वा प्रभाते गत्वा च वने वेदाङ्गपारगान्
पञ्चगव्यं प्राशयित्वा पूर्वमेवाथ तद्दिने
श्रावणे कार्त्तिके माघे चैत्रे वाथ समर्चिते
अपूपैः खण्डवेष्टैश्च मरीचैः सिंहकेसरैः 4.66.
शीतलैस्तर्पयेद्विद्वानर्कपुष्पैः सुमालकैः
कर्पूरनख विद्धैश्च मधुरैः पनसोत्तमैः
सुखासनोपविष्टांश्च प्रागुदङ्मुखवच्छुचीन्
एकदंडीस्त्रिदंडीश्च गृहस्थांश्चापि सुव्रतान्
चार्वंग्यश्चार्चिताः स्नाताः सर्वावयमशोभनाः
अंगैर्वा भोजनीयास्तास्ताश्चादित्यस्य देवताः
पद्मनाभकृष्णविष्णुगोवर्द्धनत्रिविक्रमाः
एभिर्द्वादशभिर्मन्त्रैर्नमस्कारांतयोजितैः
भोजयित्वा शुभान्नानि दद्यात्ताभ्यः सुदक्षिणाम्
ततो भुञ्जीत सहितो भृत्यैः प्रेष्यजनेन च ।। 4.66.
एवं कौंतेय कुरुते योऽरण्यद्वादशीं नरः याति ज्ञातिसमायुक्तः श्वेतद्वीपं हरेः पुरम्
यत्र लोकाः पीतवस्त्राः श्यामदेहाश्चतुर्भुजाः