भूमौ तु मंडलं कृत्वा गोमयेन सतारकम्
सहस्रशीर्षामंत्रेण भूमौ शक्त्या शनैः स्वयम्
पर्युक्ष्य धूममुत्क्षिप्य दद्याद्विप्राय दक्षिणाम्
मार्गशीर्षे खंडखाद्यं पौषे सोहालकं तथा
मोदकांश्चैत्रमासे तु वैशाखे खंडवेष्टकम्
श्रावणे मधुशीर्षेण नभस्ये पायसेन च
एभिर्द्वादशभिर्वर्षैर्भोजयित्वा द्विजान्स्वयम्
समाप्ते तु व्रते कृत्वा राजतं तारकागणम् 4.65.
कुम्भा द्वादश दातव्याः सोदका मोदकाश्रिताः
ब्राह्मणे वल्गुलल्लाटं लक्षपुष्पोपशोभितम्
अनेन विधिना राजन्यः करोति व्रतं नरः
नक्षत्रलोकं व्रजति विमानेनार्कवर्चसा
सहस्रभर्त्ता स्वर्लोके पूज्यमानो दिवाकरैः
एतद्व्रतं पुरा चीर्णं शच्या राज्ञ्या श्रियोमया
मेनया रंभया स्वर्गे उर्वश्या देवदत्तया
चीर्णमेतद्व्रतं पार्थ सर्वपापभयापहम्
जन्मांतरेष्वपि कृतानि हरत्यघानि या संदहत्यहरहः सुकृतोपयोगात्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे तारकद्वादशीव्रतं नाम पञ्चषष्ठितमोऽध्यायः
अरण्यद्वादशीव्रतवर्णनम् सप्राशनं सोपवासं सरहस्यं समन्त्रकम्
व्रतं राघववाक्येन प्रशस्तं दोषवर्जितम्
लोपामु्द्रालये साध्व्यो मुनिपत्न्यो बहुप्रजाः
पद्मिनीपत्रविस्तीर्णे सोपदंशै र्यथा नवैः
तामिहैकमनाः पार्थः शृणुष्वारण्यद्वादशीम्
स्नात्वा नरः सोपवासः कृत्वा पूजां जनार्दने
नीत्वा प्रभाते गत्वा च वने वेदाङ्गपारगान्
पञ्चगव्यं प्राशयित्वा पूर्वमेवाथ तद्दिने
श्रावणे कार्त्तिके माघे चैत्रे वाथ समर्चिते
अपूपैः खण्डवेष्टैश्च मरीचैः सिंहकेसरैः 4.66.
शीतलैस्तर्पयेद्विद्वानर्कपुष्पैः सुमालकैः
कर्पूरनख विद्धैश्च मधुरैः पनसोत्तमैः