ततः सुसिद्धमन्नं यत्तत्सर्वं परिवेषयेत्
तृणानि षष्टिमादाय चादाय धमनीं तथा 4.62.
प्रशांते भोजनं त्यक्त्वा समाचम्य प्रसन्नधीः
अनेन विधिना सर्वं मासिमासि समाचरेत्
वस्त्रैराभरणैः पूज्य प्रणिपत्य क्षमापयेत्
य एवं कुरुते पार्थ पुरुषो नवमीव्रतम्
भूताः प्रेताः पिशाचा नो जनयंति भयं गृहे
तं रक्षति सदोद्युक्ता सर्वास्वापत्सु चंडिका उल्कावत्स सपत्नानां ज्वलन्नास्ते सदा हृदि
तां शुष्ककोहरमुखीं प्रकटोरुदंष्ट्रां कापालिनीं समवलंबितमुण्डमालाम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवाद उल्कानवमी व्रतवर्णनं नाम द्विषष्टितमोऽध्यायः
दशावतारचरित्रव्रतवर्णनम् दिव्यारामाश्रमे रम्या गृहकार्यैकतत्परा
बभूव सा भृगोर्नित्यं हृदयेप्सितकारिणी
विष्णोस्त्रासाद्दानवानां कुलत्राणसमाकुलम्
दत्त्वा निक्षेपकं सर्वं दिव्यायै सुमहातपाः
संजीवनीकृते नित्यं कणैर्धूममधोमुखः
आजगाम गते तस्मिन्गरुडेनाश्रितो हरिः
गलद्रुधिरसंपन्नं लोहितार्णववसंनिभम् दिव्या संशप्तुकामाभूद्विष्णुं सास्राविलेक्षणा
यावन्नोच्चरते वाचं चक्रेण कृत्तकंधरम्
प्राप्य संजीवनीं विद्यां यावदायात्यसौ मुनिः
रोषाच्छशाप च हरिं भ्रुकुटीकुटिलाननः 4.63.
यस्मात्त्वया हता दैत्या ब्रह्मणो मत्परिग्रहाः
अतोऽर्थं मानुषे लोके रक्षार्थं च महीक्षिताम्
पूर्वोक्तैः कारणैः पार्थ अवतीर्णं महीतले
समंत्रं सरहस्यं च सर्वपापप्रणाशनम्
श्रीकृष्ण उवाच प्रोष्ठपदे सिते पक्षे दशम्यां नियतः शुचिः
कृत्वा कुरुकुलश्रेष्ठ गृहमागत्य मानवः
क्रमेण पावयेत्तां तु पुंसंज्ञं घृतसंश्रितम्
प्रथमे पूरिकान्वर्षे द्वितीये घृतपूरकान्
सोहालकान्पञ्चमेऽब्दे षष्ठेऽब्दे खण्डवेष्टकान्
नवमे कर्णवेष्टांस्तु दशमे खण्डकाञ्छुभान् 4.63.