महाग्राहपराक्रांता दुष्टमायाविनष्टये
इन्द्रमारी असत्क्लेशः प्रलंबो नरकः सुतः
इल्वलो नमुचिर्भौमो वातापि धेनुकः कलिः
रहः पौंडूादिदैत्येन्द्राः प्राधान्येन प्रकीर्तिताः 4.61.
रूपतो वर्णिताश्चैव ध्वजास्तेषां पृथक्पृथक्
काञ्चनाः काञ्चना पीडाः काञ्चनस्रगलंकृताः
नील्यः पीताः सिता रक्ताः कृष्णास्राः पञ्चवर्णकाः
पताकाकान्तिरनला नर्तक्य इव शोभनाः
ततो हलहलारावं चक्रुस्ते दानवोत्तमाः न्यवादयंतानकान्ये शंखाडंबरडिंडिमान्
एवं ते समयुध्यंत भवानीं दैत्यदानवाः कर्णकैरीषणैः कुन्तैः शतघ्नीकूटमुद्गरैः
आहत्य मानरोषेण जज्वलुः समरेऽधिकम्
आच्छिद्याच्छिद्य चिह्नानि ध्वजान्नानाविधांस्तथा
चिह्नकानि ददौ तुष्टा देवेभ्यः शीघ्रचारिणी
अंबिका तु भृशं तुष्टा तेषां चक्रे क्षणात्क्षयम् जीवितानि च जग्राह दैत्यानां देवनंदिनी ।।4.61.
अथ रक्तासुरं कंठे गृहीत्वापात्य भूतले
स भिन्नहृदयः पश्चाद्भूमौ तत्र प्रपोथितः
देवास्तानसुराञ्जित्वा गत्वा शत्रुपुरं जितम् यात्रां चक्रुः संप्रहृष्टा नवम्यां ध्वजचिह्निताम्
अतोद्यापीह भूपालैर्जयलब्धीच्छयादृतैः
सरहस्यं समंत्रं च येन तुष्यति चंडिका
तस्यां स्नात्वा शुभैः पुष्पैरर्चनीया हरेः स्वसा
कुमारी सुभगा देवी सिंहस्यंन्दनगामिनी मालतीकुसुमैर्द्दीपैर्गन्धधूपविलेपनैः
बलिभिः पशुभिर्मेध्यैः सुरामांसासृगम्बरैः मंत्रेणानेन कौंतेय ब्रह्मणोप्यथवा ननु
भद्रां भगवतीं कृष्णां विश्वस्य जगतो हिताम्
प्रपन्नोहं शिवां रात्री भद्रे पारय मे व्रतम् देवेभ्यो मानुषेभ्यश्च भयेभ्यो रक्ष मां सदा ।। 4.61.
ततश्चारोपयेद्राजा देवीनां भवने तथा
उपवासेन कुर्वीत एकभक्तेन वा पुनः
एवं ये पूजयिष्यंति ध्वजैर्भगवतीं नराः
रणे राजकुले गेहे युद्धमध्ये जले स्थिते
अस्यां बभूव विजयो नवम्यां पांडुनंदन
धन्या पुण्या पापहरा सर्वोपद्रवनाशनी