श्रावणे शर्वनामानमिष्ट्वार्कं निशि भक्षयेत्
मासि भाद्रपदेऽष्टम्यां त्र्यंबकं नाम पूजयेत्
भवनामाश्विने पूज्यः प्राशयेत्तंडुलोदकम्
कार्तिके रुद्रनामानं संपूज्य प्राशयेद्दधि
अब्दांते भोजयेद्विप्राञ्छिवभक्तिपरायणान् शक्त्या हिरण्यवासांसि भक्त्या तेभ्यो निवेदयेत्
सतिला कृष्णकलशा भक्ष्यभोज्येन संयुताः निवेदयति रुद्राणां गां च कृष्णां पयस्विनीम् ।। 5.57.
वर्षमेकं चरेदेवं नैरन्तर्य्येण यो नरः
सर्वपापविनिर्मुक्तः सर्वैश्वर्यसमन्वितः
अनेन विधिना देवाः सर्वे देवत्वमागताः
ब्रह्मा ब्रह्मत्वमापन्नो ह्यहं विष्णुत्वमागतः
नारी वा पुरुषो वापि कृत्वा कृष्णाष्टमीव्रतम्
सूर्यकोटिप्रतीकाशैर्विमानैः सर्वकामिकैः
नृत्यवादित्रसंयुक्तैरुत्कृष्टध्वनिनादितैः
त्रिनेत्रः शूलपाणिश्च शिवैश्वर्यसमन्वितः
इत्येतत्ते समाख्यातं पार्थ कृष्णाष्टमीव्रतम्
कृष्णाष्टमीव्रतमिदं शिवभावितात्मा सत्याशनैरुदितनामयुतैरुपोष्य 5.57.
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे कृष्णाष्टमीव्रतवर्णनं नाम सप्तपञ्चाशत्तमोऽध्यायः
अनघाष्टमीव्रतवर्णनम् तस्य पत्नी महाभाग अनसूया पतिव्रता
तयोः कालेन महता जातः पुत्रो महा तपाः
द्वितीयो नाम लोकेस्मिन्ननघश्चेति विश्रुतः
अष्टपुत्रा जीववत्सा सर्वब्राह्मगुणैर्वृता
एवं तस्य सभार्यस्य योगाभ्यासरतस्य वा
ब्रह्मलब्धप्रसादेन द्रुतं गत्वामरावतीम्
दैत्यदानवसंयोगे पातालादेत्य भारत
तेन निर्णाशिता देवाः सेंद्रचंद्रमरुद्गणाः
अग्रतः प्रलयं यांतः सेन्द्रा देवा भयार्दिताः
युध्यंतः शरसंघातैर्गदामुसलमुद्गरैः 4.58.
शरभैर्गंडकैर्व्याघ्रैर्वानरै रभसैर्द्रुताः
यावद्विन्ध्यगिरिं प्राप्तास्तत्तस्याश्रममण्डलम्
तयोः समीपं संप्राप्तास्ते नराः शरणार्थिनः