रोगर्दौर्गत्यरूपेण तथैवेष्टविघातनैः
तद्विघाताय वक्ष्यामि सदा कल्याणसप्तमीम्
बालानां मरणं यत्र क्षीरपानं प्रशस्यते
शान्तये तत्र वक्ष्यामि मृतवत्सादिके च यत्
वराहकल्पे संप्राप्ते मनोर्वैवस्वतेंऽतरे
आसीन्नृपोत्तमः पूर्वं कृतवीर्यः प्रतापवान्
यावद्वर्षसहस्राणि सप्तसप्तति भारत
यवनस्य तु शापेन विनाशमगमत्पुरा
उपवासव्रतैर्दिव्यैर्वेदसूक्तैश्च भारत 4.52.१
कृतवीर्येण वै पृष्टः प्रोवाचेदं बृहस्पतिः
भविष्यति चिरंजीवी किं तु कल्मषनाशनम्
जातस्य मृतवत्सायाः सप्तमे मासि भूपते
बालस्य जन्मनक्षत्रं वर्जयेत्तां तिथिं बुधः
गोमयेनोपलिप्तायां भूमावेकाग्रचित्तवान्
निर्वपेत्सूर्यमुद्गाभ्यां मातृभ्योपि विधानतः
जुहुयाद्रुद्रसूक्तेन तद्वद्रुद्राय भारत
यवकृष्णतिलैर्होमः कर्तव्योष्टशतं पुनः
विप्रेण वेदविदुषा विधिवद्दर्भपाणिना
पञ्चमं च पुनर्मध्ये चाक्षतेन विभूषितम् 4.52.
सौरेण तीर्थतोयेन पूर्णचन्द्रमलान्वितम्
पंचरत्नफलैर्युक्ताञ्छाखाभिरपि वेष्टितान्
सुशुद्धां मृदमानीय सर्वेष्वेव विनिक्षिपेत्
गृहीत्वा ब्राह्मणं चात्र सौरान्मन्त्रानुदीरयेत्
भोजिताभिर्यथाशक्ति माल्यवस्त्रविभूषणैः
दीर्घायुरस्तु बालोऽयं जीवपुत्रा च भाविनी
शक्रः सलोकपालो वै ब्रह्मा विष्णुर्महेश्वरः
माशनिर्मा स हुतभुङ्मा च बालग्रहा क्वचित्
ततः शुक्लाम्बरधराः कुमारं पतिसंयुताः
काञ्चनीं च ततः कृत्वा तिलपात्रोपरि स्थिताम् 4.52.
वस्त्रकाञ्चनरत्नौघैर्भक्ष्यैः सघृतपायसैः भुक्त्वा च गुरुणा चेयमुच्चार्या मंत्रसंततिः